ایک حدیث سننے میں آئی ہے کہ حضورﷺ کے سامنے حضرت علی رضی اللہ عنہ نےاپنی تین پسندیدہ چیزوں کا ذکر کیا :1)مہمان کا اکرام2)جہاد فی سبیل اللہ3)گرمی کے روزے،اس حدیث کی تحقیق مطلوب ہے،کیا اس میں دیگر حضرات کا بھی ذکر ملتا ہے؟

الجواب حامداً ومصلیا

محبوبات ثلاثہ کے نام سے یہ واقعہ چند کتب میں ملتا ہے،چنانچہ کشف الخفاء اور علامہ ابن حجر رحمہ اللہ نے “المنبھات”میں یہ واقعہ تفصیلاً ذکر کیا ہے،جس میں آپ ﷺ،خلفاء راشدین رضوان اللہ اجمعین ،جبرائیل علیہ السلام اور اللہ تعالی کی تین تین محبوب چیزوں بیان فرمائیں،لیکن ان کتب میں یہ بلا سند ذکر کیا گیا ہے،لہذا کسی صحیح حدیث سے صحیح سند کے ساتھ یہ تفصیلی واقعہ ثابت نہیں۔البتہ حضورپر نور ﷺکی محبوبات ثلاثہ کا ذکر صحیح احادیث میں موجود ہے کہ آپ ﷺ کو عورت،خوشبو اور نماز یہ تین چیزیں پسند تھی۔

لما فی المستدرک علی الصحیحین:(2/281،قدیمی)

عن انس رضی اللہ عنہ قال قال رسول اللہ صلی اللہ علیہ وسلم:حبب الی النساء والطیب وجعلت قرۃ عینی فی الصلوۃ

ھذا حدیث صحیح علی شرط مسلم ولم یخرجاہ

وفی کشف الخفاء ومزیل الالباس :(1/340،الغزالی)

حبب الی من دنیاکم ثلاث النساء…..) ھکذا اشتھر علی الالسنۃ وترجم بہ النجم لکن ذکرہ فی المقاصد وکثیرون بدون من دنیاکم ثلاث …..وقال ابن القیم وغیرہ من رواہ” حبب الی من دنیاکم ثلاث”فقد وھم ولم یقل علیہ السلام ثلاث اذاالصلوۃ لیست من امور الدنیا التی تضاف الیھا بل ھی عبادۃ محضۃ ،نعم یصح أن تضاف الیھا لکونھا ظرفا لوقوعھا فیھا .
تنبیہ:قال فی المواھب وھنا لطیفۃ روی أنہ علیہ الصلاۃ والسلام لما قال حبب الی من دنیاکم ……قال ابو بکررضی اللہ عنہ وانا یارسول اللہ حبب الی من الدنیا النظر الی وجھک ،وجمع المال للانفاق علیک ،والتوسل بقرابتک الیک ،وقال عمر رضی اللہ عنہ وانا یارسول اللہ ……وقال علی رضی اللہ عنہ وانا یا رسول اللہ حبب الی من الدنیا الصوم فی الصیف،واقراء الضیف،والضرب بین یدیک بالسیف

قال الطبری خرجہ الجندی والعھدۃ علیہ انتھی،وفی بعضھا مخالفۃ لما فی المواھب انتھی،وفی المجالس للخفاجی بعض مخالفۃ وزیادۃ

وکذافی المقاصد الحسنة:(186،النوریہ)
وکذا فی الموضوعات الکبری:(107،قدیمی)

واللہ اعلم بالصواب
اسدالرحمن عفی عنہ
دارالافتاء جامعۃ الحسن ساہیوال
2/8/1442/2021/17/03
جلد نمبر: 24 فتوی نمبر: 67