میں بیرون ملک میں قیام پذیرہوں،وہاں میں نےدوسری شادی کی،وہ لڑکی شادی سےپہلےغیرمسلم تھی (بعدمیں مسلمان کرکےشادی کی)کچھ عرصہ بعدآپس میں لڑائی جھگڑاکی وجہ سےایک بارطلاق بولااوراسی دن صلح ہوگئی پھرکچھ عرصہ گزرگیادوبارہ کسی بات پررنجش ہوئی،میں نےغصہ میں آکر دوسری دفعہ طلاق دے دی ،لیکن دوبارہ رجوع کرلیا،اس کےبعدپھرلڑائی ہوئی میں نےتیسری باربھی اسےتین دفعہ بول کرطلاق دےدی،پھرایک سال گزرگیاہمارادوبارہ رابطہ ہوگیااورہم نےاپنےناقص علم اوراسلام سےدوری کی وجہ سےدوبارہ نکاح کرلیا،کیایہ ہمارانکاح جائزہے؟اسلام کےاصولوں کےمطابق وضاحت فرمادیں۔

الجواب حامداًومصلیاً

اس طرح دوبارہ نکاح کرناصحیح نہیں ہے،کیونکہ جب آپ نےاس کوتیسری بارطلاق دی تھی تووہ عورت آپ پرحرام ہوگئی تھی اب آپ دونوں کا حلالہ شرعیہ کے بغیر ساتھ رہنا حرام ہے اور فورا جدا ہونا ضروری ہے ۔

لما فی القرآن الکریم:(سورة البقرة :230)

فَاِن طَلَّقَھَا فَلَا تَحِلُّ لَہٗ مِن بَعدُ حَتّٰی تَنکِحَ زَوجاً غَیرَہٗ

وفی الصحیح البخاری:(2 /801،قدیمی)

عن عائشۃ رضی اللہ عنھا ان رفاعۃ القرظی تزوج امراۃ ثم طلقھا فتزوجت آخر فاتت النبی صلی اللہ علیہ وسلم فذکرت  انہ لا یا تیھا وانہ لیس معہ الا مثل ھدبۃ فقال لا حتی تذوقی عسیلتہ ویذوق عسیلتک

وفی الفقہ الاسلامی وادلتہ:(9 /6642،رشیدیة)

فمن طلق زوجتہ ثلاث طلقات ،فلا یحل لہ ان یعقد علیھا مرۃ اخری،الا اذاتزوجت بزوج آخر ودخل بھا ،وانقضت عدتھا منہ بان طلقھا باختیارہ او مات عنھا ،فتعود الی الزوج الاول بزوجۃجدیدۃ،ویملک علیھا ثلاث طلقات جدیدۃ

وکذافی الھدایة:(2 /378،رشیدیة)                              وکذا فی المحیط البرھانی:(4/248،دار احیاء)

وکذافی مختصر للقدوری:( 591،البشری)                       وکذا فی الھندیة:(1/282،رشیدیة)

وکذا فی مشکوة المصابیح:(2/293،رحمانیة)                وکذافی بدائع الصنائع:(3/295،رشیدیة)

وکذافی  الفتاوی الو لوالجیة:(2/100،الحرمین شریفین)

واللہ اعلم بالصواب

تنویر احمد تابش عفی عنہ

دارالافتاء جامعۃ الحسن ساہیوال

12/4/1445 /28/10/2023

جلد نمبر :30 فتوی نمبر :141