میں سعودی عرب میں رہتا ہوں اورپاکستان میں موبائل کے ذریعے نکاح کرناچاہتاہوں ، توکیامیرانکاح ہوجائے گایا نہیں ؟

الجواب حامداً ومصلیاً

اس طرح نکاح نہیں ہوگا،اس لیے کہ نکاح کےانعقاد کے لیےمجلس کا ایک ہونا ضروری ہے،جب کہ فون پرنکاح کی صورت میں مجلس ایک نہیں ہوتی،البتہ اس کی صورت یہ اختیارکی جاسکتی ہے کہ آپ پاکستان میں کسی کواپنا وکیل بنادیں اور وکیل گواہوں کی موجودگی میں آپ کی طرف سےایجاب وقبول کرلے تواس صورت میں مجلس ایک ہوجائے گی اور نکاح منعقد ہوجائے گا۔

لما فی تقریرات الرافعی مع ردالمحتار:(4/86،رشیدیہ)

المتبادرمن اشتراط اتحادالمجلس ان المرادبہ مجلس المتعاقدین،لامجلس الایجاب والقبول

وفی البدائع:(2/490،رشیدیہ)

واماالذی یرجع الی مکان العقدفھواتحادالمجلس اذاکان العاقدان حاضرین وھوان یکون الایجاب والقبول فی مجلس واحد حتی لو اختلف المجلس لا ینعقدالنکاح

وکذا فی الھندیة: (1 /269 ،رشیدیہ)
وکذافی الشامیہ: (4 /86 ،رشیدیہ)
وکذا فی فتح القدیر: ( 3/ 184 ، رشیدیہ)
وکذا فی البحرالرائق: (3 /148 ،رشیدیہ)
وکذا فی الفتاوی التاتارخانیة: (4 /126 ،فاروقیہ)
وکذا فی الھندیة: (1 /294 ،رشیدیہ)

واللہ اعلم بالصواب
محمدامجدڈوگرغفرلہ ولوا لدیہ
دارالافتاء جامعۃ الحسن ساہیوال
25/2/2023/4/8/1444
جلد نمبر:29 فتوی نمبر:50