کسی کی طرف سے نفلی طواف کرنا جائز ہے؟ مثلاً:پوری امت مسلمہ،حضوراکرمﷺ یا اپنی والدہ وغیرہ اور اس میں نیت کس طرح کریں گے ، زبان سے ضروری ہو گی یا دل سے کا فی ہے؟

الجواب حامداً ومصلیاً

کسی کی طرف سے نفلی طواف کرنا جائز ہے۔ نیت اس طرح کرے:”میں اللہ کی رضا کے لیے فلاں کی طرف سے طواف کرتا ہو، اے اللہ! اس کو میرے لیے آسان کردے اور قبول فرمالے۔“یہ نیت دل سے کرنا ضروری ہے البتہ زبان سے کہہ لینا افضل ہے۔

لما فی الدر المختار مع ردالمحتار: (4 /12 ،رشیدیہ)

الاصل ان کل من اتی بعبادۃ ما لہ جعل ثوابہا لغیرہ وان نواھا عند الفعل لنفسہ لظاہرالادلۃ۔ قولہ:(بعبادۃ) ای: سواء کانت صلاۃ او صوما او صدقۃ او قراء ۃ او ذکرا او طوافا او حجا او عمرۃ، ۔۔۔۔۔۔ وجمیع انواع البر کما فی الھندیۃ

وفی غنیة الناسک:(75/ادارةالقرآن)

وان کان احرامہ عن الغیر یقول:اللھم انی ارید الحج عن فلان فیسرہ لی وتقبلہ منی عنہ، ثم ینو عنہ بقلبہ

وکذا فی الھدایة:(1/458،بشریٰ)
وکذا فی البدائع:(2/454،رشیدیہ)
وکذا فی البنایہ: (6 /927 ،رشیدیہ)
وکذا فی الھندیة: (1 /257،رشیدیہ)
وکذافی تبیین الحقائق:(2/83،امدادیہ)
وکذافی غنیة الناسک:(78/ادارةالقرآن
وکذا فی الفقہ الاسلامی و ادلتہ:(3/2182،رشیدیہ)
وکذا فی ارشادالساری: (475،113،111 /فاروقیہ)
وکذافی تنویرالابصار مع الدرالمختار: (1 /414 ،رشیدیہ)

واللہ اعلم بالصواب
سید ممتاز شاہ بخاری
دارالافتاء جامعۃ الحسن ساہیوال
2022/12/14/19/5/1444
جلد نمبر:28 فتوی نمبر:122