کسی نمازی کا مسجد میں بیٹھ کر ریاضی اور انگلش یا سائنس کی کتابیں پڑھنا کیسا ہے؟

الجواب باسم ملهم الصواب

اگر ان كتابوں ميں تصاوير يا فحش مضامين نہ ہوں تو جتنی دیر تک لوگ مسجد میں نماز پڑھتے رہتے ہیں ،اتنی دیر مسجد میں بیٹھ کر یہ کتابیں پڑھنا جائز ہےاور بہتر یہ ہے کہ اعتکاف کی نیت سے بیٹھا جائے۔ اس سے زیادہ دیر مسجد کا پنکھا اور لائٹ وغیرہ کا استعمال درست نہیں۔

لما فی الفتاوی النوازل : ( 63،حقانیہ )

ویجوز ان یدرس فیہ بضوء المسجد مادام الناس یصلون فیہ ،ولا باس بان یترک سراج المسجد بین المغرب والعشاء ،وبعدہ لا یجوز ان یترک الااذا جرت العادۃ فیہ وکذا اذا اتی بسراج الی المسجد وفی الرجوع الی بیتہ لا یجوز الا ان یطفاہ ۔

وکذا فی معارف السنن : (3/314،سعید )
وکذا فی غنیةالمستملی : ( 611، رشیدیہ )
وکذا فی مرقاۃ المفاتیح : (2/448، التجایہ )
وکذا فی بذل المجہود : ( 3/213،قدیمی )
وکذا فی شرح الطیبی:(2/307،الکتب العلمیہ )
وکذا فی الموسوعة الفقھیہ : (37/206،علوم الاسلامیہ )
وکذا فی الفتاوی العالمکیریہ : ( 5/321، رشیدیہ )
وکذا فی الفتاوی التاتار خانیہ : ( 18/66، فاروقیہ )
وکذا فی المحیط البر ھانی : (8/ 8،احیا ء ترا ث العربی )

واللہ اعلم بالصواب
محمد مظہر اقبال عفی عنہ
دارالافتاء جامعۃ الحسن ساہیوال
12، 6، 1440 ،2019، 2، 18
جلد نمبر:17 فتوی نمبر:161