ایک عورت غیر مرد کے ساتھ رات کی تاریکی میں بھاگ جاتی ہے اور اس پر زنا ثابت ہو جاتا ہےاور اس کا تعلق پہلے بھی ثابت ہو جاتا ہے تو اس کے بارے میں کیا حکم ہے؟ گاؤں والے اس لڑکی کو جان سےمارنا چاہتے ہیں غیرت کی وجہ سے کہ اس نے ہماری عزت کا خیال نہیں رکھالہٰذا لڑکی اور لڑکے کے بارے میں شرعی حکم بتائیں ۔ اور ان دونوں گروہوں کے درمیان صلح کا شرعی حکم کیا ہے؟ لڑکا اگر رشتہ دے کر صلح کر لے تو کر سکتا ہے؟

الجواب حامدا ومصلیا

شرعی اعتبار سےگاؤں والوں کا لڑکی اور لڑکے کو قتل کی سزادینے کا نہ تو اختیار ہے اور نہ ہی ان کے لیے ایسی سزا دینا جائز ہے گاؤ ں والوں کو چاہیے کہ اولا تر غیب و ترھیب سے اصلاح احوال کی کوشش کریں،اگر ایسا ناممکن نظر آئے تو صلاح احوال کی ایک بہترین صورت یہ بھی ہے کہ ان کا نکاح کرا دیا جائے، باقی جرمانے کے طور پر مال یا رشتہ لینا درست نہیں۔

واللہ اعلم بالصواب
کتبہ:طیب کان اللہ لہ
دارالافتاءجامعۃالحسن ساہیوال
10/7/1443-2022/2/12
جلد نمبر:26 فتوی نمبر:179