ایک شخص نے دوکان دار سے دو ہزار روپے کے بدلے میں ایک چیز خریدی۔خریدنے کے بعد معلوم ہوا کہ اس میں عیب ہے۔اب خریدار وہ چیز واپس کرناچاہتاہے ،مگر دوکان دار کہتا ہے :میں پانچ سو روپے کم میں یعنی پندرہ سو کی واپس لوں گا۔کیا دوکان دار کے لیے ایسا کرنا جائز ہے؟

الجواب حامداً وّمصلّیاً

اگر خریدنے سے پہلے ہی وہ عیب موجود تھا تو دوکان دار کے لیے ایسا کرنا جائز نہیں ہے،بلکہ اس پر شرعاً لازم ہے کہ وہ خریدار کو پوری رقم واپس کرے۔

لما فی الھدایة:(3/42،رحمانیة لاھور)

وإذا اطلع المشتري على عيب في المبيع فهو بالخيار، إن شاء أخذه بجميع الثمن وإن شاء رده ،لأن مطلق العقد يقتضي وصف السلامة، فعند فواته يتخير كيلا يتضرر بلزوم ما لا يرضى به

وفی الفقه الحنفی فی ثوبه الجدید:(4/135،الطارق افغانستان)

واذا اطلع المشتری علی عیب فی المبیع ،ولم یکن شرط البراءۃ من کل عیب ،فھو بالخیار ان شاء اخذ ذلک المبیع بجمیع الثمن ،وان شاء ردہ

وکذافی الھندیة:(3/66،رشیدیة کوئٹہ)
وکذافی تبیین الحقائق:(4/31،امدادیة ملتان)
وکذافی فقه البیوع:(2/826،معارف القرآن کراچی)
وکذافی العنایة علی ھامش فتح القدیر:(6/327، رشیدیة کوئٹہ)
وکذافی اعلاء السنن:(14/57،اداة القرآن والعلوم الاسلامیة کراچی)

واللہ سبحانہ و تعالیٰ اعلم بالصواب
اختر حسین فتح پوری عفی عنہ
دارالافتاء جامعۃ الحسن ساہیوال
19/7/1442/2021/3/4
جلد نمبر:23 فتوی نمبر:189