نعیم سہیل کی بیوی میکے گئی اور فون پر جھگڑا ہوگیا، بیوی نے کہا کہ مجھے لینے آؤ گے تو میں آؤں گی، اس نے پہلے ہی کہا تھا کہ میں نے نہیں آنا، اس بات پر اس نے رابطہ منقطع کردیا۔ ایک ماہ بعد ہم اسے لینے گئےتو انہوں نے کافی باتیں کیں کہ وہ خود لینے آئے،مگر یہ گیا نہیں، اس بناء پر انہوں نے اسے ہمارے ساتھ بھیج دیا۔ ہم گھر آئے تو سہیل نے کہا کہ اسے کیوں لے کر آئے ہو؟ میں نے کہا تھا کہ وہ خود آئے،اب کیوں آئی ہے۔ پھر آہستہ آہستہ اس کی طبیعت خراب ہونا شروع ہوگئی۔ جیسے جیسے سوچتا گیا اس کی طبیعت خراب ہوتی گئی، ساری ساری رات جاگتے گزار دیتا،سوتا نہیں تھا۔ جمعہ والے دن صبح صبح نہا کر نکل گیا اور سارا دن فون بھی بند رہا ۔ اس دن یہ عارف والا گیا تھا، وہاں ایک لڑکی ہے ، رانے ذات کے ہیں، ان کے ساتھ ہماری دشمنی بھی ہے۔ کہتا ہے کہ میں نے اسی لڑکی سے شادی کرنی ہے، حالانکہ اس کی شادی ہوچکی ہے، تین بچے بھی ہیں، کہتا ہے کہ وہ میرے دل سے نہیں نکلتی۔پہلے بھی ایک بار ایسا ہوا تھا ، اس وقت بھی اسی لڑکی کے بارے میں باتیں کرتا تھا۔ پھر کل رات کو سہیل کہنے لگا کہ میں نے اس کمرے میں نہیں سونا، میں جارہا ہوں۔ اس کی بیوی نے کہا کہ میں چلی جاتی ہوں، آپ ادھر ہی سو جاؤ۔اس سے ان کا جھگڑا ہوگیا ۔اس نے اپنی بیوی کو مارنا شروع کردیا اور اس کا بڑا بھائی باہر گیا ہوا تھا، وہ باہر سے آیا تو یہ اسے مار رہا تھا ، اس نے ہٹایا تو وہ اپنے بڑے بھائی کو ہی مارنے لگ گیا، اس سے دونوں آپس میں لڑنے لگ گئے۔ اسی دوران اس نے اپنی بیوی کو تین بار طلاق دے دی اور اب نہ تو یہ سوتا ہے، ہر کسی کو گالیاں دیتا ہے، ماں کو بھی نہیں چھوڑتا ، چھوٹی سی بات پر لڑنے لگ جاتا ہے اور کہتا ہے کہ مجھے باہر جانے دو، میں گھر نہیں رہتا ، مجھے گھر اچھا نہیں لگتا۔ ہم نے دروازے کو تالا لگایا ہوا ہے، ہم اسے باہر نہیں جانے دیتے۔غصے میں اس کا اپنے آپ پر قابو نہیں رہتا، منہ میں جو آئے کہہ دیتا ہے۔ ہم اسے کل بڑی مشکل سے ڈاکٹر کے پاس لے کر گئے تھے، ڈاکٹر نے کہا کہ اس کا دماغ کام نہیں کررہا۔ تو اب اس کی بیوی کو طلاق ہوئی یا نہیں ہوئی؟