اگر ظہر کی جماعت کا وقت ہو جائے اور امام اور مقتدی کسی نے بھی سنتیں نہ پڑھی ہوں تو کیا پہلے جماعت کروائی جائے یا سنتیں پڑھی جائیں؟ (2) اگر کسی ایک مقتدی نے سنتیں پڑھ لی ہوں تو جماعت امام کروائے یا مقتدی جس نے سنتیں پڑھ لی ہیں؟

الجواب حامداً ومصلیاً

اگر کوئی حرج نہ ہو تو پہلے سنتیں ادا کرنا بہتر ہے، وگرنہ وقتِ مقررہ پر جماعت کرا لی جائے اور سنتیں بعد میں ادا کر لی جائیں۔(2) سنتیں پڑھے بغیر بھی امامت درست ہے، لہذا مقررہ امام ہی جماعت کروائے گا، البتہ امام کو اس کی عادت نہیں بنانی چاہیے۔

لما فی السنن ابن ماجة: ( 187، دار الکتب العلمیہ )
“عن عائشۃ قالت: کان رسول اللہ صلی اللہ علیہ و سلم اذا فاتتہ الأربع قبل الظھر، صلاھا بعد الرکعتین بعد الظھر.”
وکذافی التنویر و الدر مع رد المحتار: ( 2/254، رشیدیہ )
“( و الأحق بالامامۃ ) تقدیما بل نصبا… و مثلہ امام المسجد الراتب ( أولی بالامامۃ من غیرہ ) مطلقا.”
وکذا فی البحر الرائق: ( 2/132، رشیدیہ )
و کذا فی إعلاء السنن: ( 7/137، ادارة القرآن )
وکذافی الشامیة: ( 2/546، رشیدیہ)
وکذا فی سنن ابن ماجة: ( 187، دار الکتب العلمیہ )

واللہ تعالیاعلم بالصواب
محمد عرفان جاوید عفی عنہ
دارالافتاء جامعۃ الحسن ساہیوال
2/8/1440، 2019/4/8
جلد نمبر :18 فتوی نمبر :188