ایک شخص کی بیوی پر کچھ الزامات تھے ،اس نے بھری مجلس میں کہا کہ اگر میری بیوی پر الزامات سچ ثابت ہوئے تو میں اسے طلاق دے دوں گا ۔گواہوں نے گواہی دی اور الزامات سچ ثابت ہوئے ،اس نے اسی مجلس میں کہا کہ میری بیوی میرے اوپر میری ماں ،بہن کی طرح ہے ۔بعد میں وہ کہتا ہے کہ میں نے اس مجلس میں یہ الفاظ طلاق کی نیت سے نہیں کہے تھے بلکہ ویسے ہی بول دیے تھے ۔تو یہ کونسی طلاق ہوئی؟

الجواب حامدا ومصلیا

صورت مسئولہ میں اگر وہ شخص حلفیہ بیان دے کہ اس نے یہ الفاظ اس مجلس میں بغیر کسی نیت کے بولے تھے تو اس طرح کہنے سے طلاق نہیں ہوئی ،بلکہ اس کا یہ کہنا فضول ہوگا اور اگر اس کی نیت طلاق کی تھی تو ایک طلاق بائنہ واقع ہوگی ۔

لما فی بدائع الصنائع:(3/366رشیدیة)

ولوقال لھاانت علی کامی او مثل امی یرجع الی نیتہ فان نوی بہ الظھار کان مظاہرا وان نوی بہ الکرامۃ کان کرامۃ وان نوی بہ الطلاق کا ن طلاقاوان نوی بہ الیمین کان ایلاء لان اللفظ یحتمل کل ذلک اذہو تشبیہ المراۃ بالام فیحتمل التشبیہ فی الکرامۃ المنزلۃ ای انت علی فی الکرامۃوالمنزلۃ کامی ویحتمل التشبیہ فی الحرمۃ ثم یحتمل ذلک حرمۃ الظھار ویحتمل حرمۃالطلاق وحرمۃ الیمین فای ذلک نوی فقد نوی ما یحتملہ لفظہ فیکون علی ما نوی وان لم یکن لہ نیۃ لا یکون ظھارا عند ابی حنیفۃ وہو قول ابی یوسف الاان عند ابی حنیفۃ لایکون شیئا

وفی التنویر مع الدر للخطیب التمر تاشی :(3/470،ایم سعید)

وان نوی بانت علی مثل امی) او کامی وکذالک لو حذف علی ( خانیۃ )(برا او ظھارا او طلاقا صحت نیتہ )ووقع مانواہ لانہ کنایۃ (والا) ینو شیئا اوحذف الکاف (لغا) وتعین الادنی ای البر

وکذا فی الفتاوی التاتارخانیة:(5/169،فاروقیة) وکذا فی فتح القدیر :(4/226،رشیدیة)
وکذافی المحیط البرھانی :(5/188،دارالاحیاء) وکذافی النہرالفائق:(2/452،قدیمی )
وکذافی المبسوط للسرخسی :(6/228،دارالمعرفہ) وکذافی تبیین الحقائق:(3/4،امدادیة)
وکذا فی الموسوعةالفقہیة:(29/196،علوم اسلامیہ)

واللہ اعلم بالصواب
کتبہ:مدثر شریف غفرلہ ولوالدیہ
متخصص جامعۃالحسن ساہیوال
10/5/1443/15/12/2021
جلد نمبر:25 فتوی نمبر:195