کیا حضور صلی اللہ علیہ وسلم پیر کے دن کا روزہ اس لیے رکھا کرتے تھے کہ اس دن آپ کی ولادت ہوئی تھی، یا کوئی اور وجہ بھی تھی؟

الجواب باسم ملھم الصواب

حضور صلی اللہ علیہ وسلم پیرکے دن کا روزہ کئی وجوہات سے رکھا کرتے تھے،(1) پیر کے دن اللہ کے ہاں اعمال پیش کیے جاتے ہیں،(2) اسی دن آپ صلی اللہ علیہ وسلم کی ولادت باسعادت ہوئی (3) اسی دن آپ مدینہ میں داخل ہوئے، (4) اسی دن آپ کو نبوت ملی، (5) اسی دن آپ پر پہلی وحی نازل ہوئی۔

لما فی الصحیح لمسلم:(1/430،رحمانیہ)

عن ابی قتادہ رضی اللہ عنہ ان رسول اللہ صلی اللہ علیہ وسلم سئل عن صوم الاثنین فقال فیہ ولدت وفیہ انزل علی.”

وکذا فی جامع الترمذی :(1/276،رحمانیہ)

عن ابی ھریرۃ رضی اللہ عنہ ان رسول اللہ صلی اللہ علیہ وسلم قال :تعرض الاعمال یوم الاثنین والخمیس فاحب ان یعرض عملی واناصائم.”

وکذا فی معارف السنن :(5/426،سعید )

واما وجہ تخصیص صلی اللہ علیہ وسلم یوم الاثنین والخمیس فلرفع الاعمال فیھما الی اللہ تعالی ، وایضا ان الاثنین فیہ ولد صلی اللہ علیہ وسلم وفیہ دخل المدینہ ای قباء

وکذا فی مشکاة المصابیح:(1/181،رحمانیہ)
وکذا فی مرقاةالمفاتیح:(4/543، التجاریہ)
وکذا فی فتح المھم :(5/323،دارالعلوم کراچی)
وکذا فی شرح الطیبی:(4/219،کتب العلمیہ)
وکذا فی تحفة الاحوذی:(3/515،قدیمی)

واللہ اعلم بالصواب
محمد مظہر اقبال عفی عنہ
دارالافتاءجامعۃ الحسن ساہیوال
26، 7، 1440،2019،4، 3
جلد نمبر:18 فتوی نمبر:138