عرض یہ ہے کہ پٹرول پمپ پر موجود چھوٹی سی مسجد پر نماز جمعہ ادا ہورہی تھی ، مسجد سے باہر کچھ لوگوں نے بارش کی وجہ سے5/6 صفیں چھوڑ کر چھت کے نیچے نماز ادا کی ، ان کی نماز کا کیا حکم ہے ؟

الجواب حامداً ومصلیاً

مسجد سے باہر امام کی اقتداء اس صورت میہن جائز ہے جب باہر والی صفوں کا مسجد والی صفوں سے اتصال ہو، صورت مسئولہ میں چونکہ اتصال نہیں پایا جارہا ، اس لیے ان لوگوں کی نماز نہیں ہوئی۔

لما فی البدائع:(1/362،رشیدیہ)

فان کنت الفرجۃ بین الامام والقوم قدر الصفین فصاعدا لایجوز اقتداءھم بہ لان ذالک بمنزلۃ الطریق العام او النہر العظیم فیوجب اختلاف المکان

وفی حاشیة الطحطاوی علی مراقی:(1/292،قدیمی)

ولیس فیہ صفوف متصلۃ والمانع فی الصلاۃ فاصل یسع فیہ صفین علی المفتی بہ

وکذافی التنویر مع الدر:(1/575،سعید)
وکذافی الفقہ الاسلامی:(2/1249،رشیدیہ)
وکذافی الھندیة:(1/88،رشیدیہ)
وکذافی البحرالرائق:(1/635،رشیدیہ)

واللہ اعلم بالصواب
محمد نصیرالدین عفی عنہ
دارالافتاء جامعۃ الحسن ساہیوال
15/5/1442/2021/12/31
جلد نمبر:22 فتوی نمبر:108