ایک عورت نے اپنا پانچ مرلے کا پلاٹ مسجد کے نام پر وقف کیااور جگہ کا تعین بھی ہو گیا اور دعا خیر بھی کردی اب محلے والوں کی رائے ہے کہ اس پلاٹ کو فروخت کر کے اس کے قریب ایک آٹھ مرلے کا پلاٹ ہے اس کو خرید کر وہاں مسجد تعمیر کی جائےاس پر وہ عورت بھی راضی ہے اور اس جگہ کی لوکیشن بھی اچھی ہے اب ان پانچ مرلوں کو بیچ کر دوسری جگہ خرید کر وہاں مسجد بنانا یا وقف شدہ زمین کا تبادلہ کر کے وہاں مسجد بنانا کیسا ہے ؟

الجواب حامداً ومصلیاً

اگر آٹھ مرلے میں مسجد بننااہل محلہ کے لیے زیادہ فائدہ مند ہوتو چند سمجھ دار اور دین دار افراد کے مشورے سے پانچ مرلے بیچ کر ،آٹھ مرلے خریدے جاسکتے ہیں۔

لما فی الشامیة: ( 6/594 ،رشیدیہ )

” . قوله: إلا في أربعالأولى: لو شرطه الواقف. الثانية: إذا غصبه غاصب، وأجرى عليه الماء—الرابعة: أن يرغب إنسان فيه ببدل أكثر غلة، وأحسن صقعا فيجوز على قول أبي يوسف وعليه الفتوى

وفی البحر الرائق : (6 /212 ،رشیدیہ )

فالاستبدال في هذه الصورة قول أبي يوسف ومحمد وإن كان للوقف ريع ولكن يرغب شخص في استبداله إن أعطى مكانه بدلا أكثر ريعا منه في صقع أحسن من صقع الوقف جاز عند القاضي أبي يوسف والعمل عليه وإلا فلا يجوز اهـ

وکذافی الھندیة: (2 /401 ،رشیدیہ )
وکذا فی الفقہ الاسلامی وادلتہ : (10 /7676 ،رشیدیہ )
وکذا فی فتح القدیر: (6 /212 ،رشیدیہ )
وکذا فی الخانیة: (3 /306 ،رشیدیہ )
وکذا فی النھرالفائق: (3 /320 ،قدیمی )

واللہ اعلم بالصواب
محمداکرام غفرلہ
دارالافتاء جامعۃ الحسن ساہیوال
24-07-1440،2019-04-01
جلد نمبر :18 فتوی نمبر :98