زید نے عمر سے کہا مجھے کنٹرول شیڈ میں استعمال ہونے والا پرزہ دلوادیں ، عمر نے دوکاندار سے بات کی ، دوکاندار نے کہا ہم ویسے تو 60000 روپے کا بیچتے ہیں ، آپ کو 50000روپے کا دیں گے ، عمر نے دوکاندار سے کہا کہ زید خریدنا چاہتا ہے دوکاندار نے کہا، اگر آپ کہیں تو آپ کے لیے ہم مارجن رکھتے ہیں ، عمر نے کہا رکھ لیں، زید آیا اس نے پرزہ دیکھا ، دوکاندار سے 55000 روپے میں معاملہ طے ہوگیا ، دوکاندار نے وہ پرزہ زید کو 55000 کا بیچ کر 50000اپنے پاس رکھے اور 5000عمر کو دیدیے ، جبکہ زید کو اس بات کا علم نہیں ہے، اب جواب طلب بات یہ ہے کہ عمر کے لیے 5000لینا جائز ہے ؟

الجواب حامداً ومصلیاً

صورت مسئولہ میں دوکاندار کی یہ پیش کش (بکر کو بتلائے بغیر ) قبول کرکے ،عمر نے بکر کے ساتھ خیانت کی ہے کیونکہ جو رعایت عمر کا واسطہ بننے کے سبب بکر کو حاصل ہونا تھی ، وہ عمر نے خود حاصل کرلی ہے ، جس کی خبر ہونے پر بکر کے اعتماد کو یقیناً ٹھیس پہنچے گی، اس لیے عمر کے لیےیہ رقم لینا جائز نہیں ۔

لما فی القرآن الکریم:(سورة/آیة،29)

یاایھاالذین آمنوا لا تاکلوا اموالکم بینکم بالباطل الا ان تکون تجارۃ عن تراض بینکم

وفی احکام القرآن للجصاص:(2/244،قدیمی)

واکل مال الغیر بالباطل…..ان یاکل بالربا والقمار والبخس والظلم…..وکذالک ا لاکل عندغیرہ اللھم الا ان یکون المراد الاکل عندغیرہ بغیر اذنہ

وفی الموسعة الفقھیة:(31/220،علوم اسلامیہ)

یقع الغش فی المعاملات کثیرا بصورۃ التدلیس القولی ، کالکذب فی سعر المبیع

وکذافی تفسیر المنیر:(3/33،امیرحمزہ)
وکذافی السنن الکبری:(3/493،بیروت)
وکذافی مشکوة المصابیح:(2/365،رحمانیہ)
وکذافی السنن الکبری:(3/486،بیروت)

واللہ اعلم بالصواب
محمد نصیرالدین عفی عنہ
دارالافتاء جامعۃ الحسن ساہیوال
16/6/1442/2021/1/30
جلد نمبر:23 فتوی نمبر:20