ایک آدمی اپنی زمین کی پیداوار میں دوسرے آدمی کو شریک کرنا چاہتا ہے،اس طور پر کہ بیج کھاد اور سپرے وغیرہ کے خرچ میں دونوں برابرکے شریک ہونگے اور کام صرف زمین والا کرے گا،اور پیداوار میں بھی دونوں برابر کے شریک ہو نگے تو کیا یہ صورت جائز ہے؟
الجواب حامداً ومصلیاً
سوال میں مذکور صورت تو جائز نہیں ہے۔البتہ درج ذیل صورتوں میں سےکوئی صورت اختیار کی جا سکتی ہے۔
(1)
زمین اور بیج ایک کی طرف سے ہو اور دوسرے کے ذمہ بیل یعنی ٹریکٹر وغیرہ کا خرچ اور کام ہو۔
(2)
زمین ایک کی طرف سے ہو اور دوسرے آدمی کی طرف سے بیج ،بیل اور کام ہو۔
(3)
زمین ،بیج اور ٹریکٹر وغیرہ کا خرچ ایک کی طرف سے ہو اور دوسرے آدمی کی طرف سے صرف کام ہو۔
لما فی تنویر الابصار مع الدر المختار ورد المحتار: (9/463،رشیدیہ)
وبطلت)فی أربعۃ وجوہ (لو کان الارض والبقر لزید،أو البقر والبذر لہ والآخران للآخر)وأما الثانی فلان الارض لا یمکن جعلھا تبعا لعملہ کذالک
وفی تنویر الابصار مع الدر المختار: ( 9/ 462، مکتبہ رشیدیہ)
وکذا)صحت(لو کان الارض والبذرلزید والبقر والعمل للآخر)أو الارض لہ والباقی للآخر(أوالعمل لہ والباقی للآخر)فھذہ الثلاثۃ جائزۃ
و کذافی شرح المجلة: (4 /378،رشیدیہ )
و کذافی فتاوی قاضیخان : (6 /104، رشیدیہ)
و کذافی شرح المجلة:(4/379،رشیدیہ)
وکذا فی بدائع الصنائع:(5/261،رشیدیہ)
وکذافی المبسوط:(23/22،دارالمعرفة بیروت لبنان)
وکذا فی الھدایہ:(4/54،بشریٰ)
واللہ اعلم بالصواب
محمد مجیب الرحمٰن
دارالافتاء جامعۃ الحسن ساہیوال
2023/02/08/16/7/1444
جلد نمبر:29 فتوی نمبر:13
